زوجة الاب : نانسي يلا كعدي يا ام الآه و النص
نانسي : شنو يا زوجة بابا خمسه دقائق اخطف حلم سريع بس واكوم
زوجة الاب: كومي كامت قيامتج ان شاء الله
وكعدت نانسي وهى تأفأف
زوجة الاب : يـلا كومي كنسـي ومسحي على ما نجي
نانسي : وانتو وين رايحين ومتزوكين هيجي وكل وحده مسوية نيو لوك
زوجة الاب و بناتها هيفاء و اليسا : رايحين حفله الامير حسام الرسام اللي راح يختار وحدة علمود يتزوجها
نانسي: أخذونى وياكم اريد اروح وياكم عفية اليسا هيفاء قنعو امكم اه اه اه
زوجة الاب : شعندج رايحة ويانة بملابسج الوسخة وطينج تارس راسج والكمل بهاالراس الي جنة ركية
وراحت زوجت الاب وبناتها اليسا وهيفاء الدبية وظلت نانسي تتبجبج
وفجــأه طلعتلها ســاحره
الساحره : شبيج يا نانسي ؟
نانسي :ض13 اريد اروح وياهم الحفلة مال راغب علامة بس ملابسي مكطنة وموبايلي ما بيه رصيد و حذائي طالع اصبعي منه
الساحره : ولا يهمج
وطلعت الساحرة من جيبها الدبدوب 6600 وخابرت الخياط حتى يخيط لنانسي فستان حلو وحذاء اخرموديل فرحت نانسي ولبست ملابسها الجدد وحطت الريحة والدهونات هاي الي تطلع ب mbc
بس الساحره كالتلها : كدامج للساعه 12 لازم ترجعين والوقت كالحبل ان لم تقطعة ربطك ودهربك وكعد يخنك بيج
انا دمي حامي وما عندي بنات تتأخر
و اذا اتأخرتي راح ترجعين لملابسج القديمة كدام الناس
نانسي : ok
نانسي من البيت لكت الساحره مجهزة سيارة هوندا ركبت وراحت للقصر
ولفت جمــالها كل اللي موجودين و اول ما عين الامير وكعت عليها راح -وطلب يركص وياها
و وافقــت نانسي عجرم وكلتله : انته شنو
كال : انا شروكي يايمه
نظرات ... همسات .... صمــت ........ حــــب
وصارت الساعة12ونانسي ملتهية تركص وية حسام الرسام دكت ساعة القاعة
طن..............طن
شافت نانسي الساعة ب12
وراحت طكتها ركضة للبيت وية ما جانت تركض وكعت فردة من حذائها وأخذها حسام الرسام و صاح للوزير
الامير : يا وزير كاظم الساهر
الوزير : امرك مولاى
الامير : اخذ الحذاء و اسحب صورتها بالسكانر
و نزل صورتها بكل الجرايد و عالويب سايت مالت ال اف بي اي وعلى قناة ميلودى هيتس و روتانا كليب
واكتب الى صاحبه هذه الفردة التوجهه للقصـر الملكــى فوراااااااااا
بنات كثير جدا راحو و يا سبحان الله القندرة ما اجت على كد وحدة منهن
وبعدها شافت نانسي الاعلان عن فردتها المفقودة على ام بس سي 2
وراحت ركض لقصر الامير وتزوجت من الامير
وهيفاء تزوجت في نفس اليوم بأجمل رجال الدنيا
وعاشو عيشة سعيدة
ههههههههههههههههههههه
تقبلوا تحياتي
موضوع: زواج حسام الرسام من نانسي عجرم 
الإثنين يوليو 20, 2009 3:03 am