تحشيش

أسئلة وأجوبتها

س : - صخره طاحت من فوق عماره ولوح القزاز الي تحت ما انكسر ليه؟؟



ج : - لأن الصخره ما طاحت على القزاز.



س : - طيب دجاجه تعبر الشارع ماتت فجأة ليه؟؟



ج : - لأن الصخره طاحت عليها.



س : - ليه واحد حاط جنبه كوب شاي وهو نايم ؟؟



ج : - لأن الشاي منبه.





س : - طيب ليه يحط كوب ماء فاضي وكوب ماء مليان؟؟



ج : - عشان يمكن يشرب ويمكن ما يشرب.



س : - واحد يحط سكر على الكرسي قبل لا يقعد ،، ليه ؟؟



ج : - عشان تكوون القعده حلوووة ،، زي قعدتي الحين .





س : - طيب حاجه زرقا طايره بالسما ،، وش هي ؟؟



ج : - ذبانه لابسه بنطلووون جينز أزرق.



س : - طيب حاجه سودا وفيها خط أحمر وطايره في السما من الشرق الى الغرب، وش هي ؟؟



ج : - ذبانه لابسه فستان وحاطه روج أحمر ، ورايحه زواج وحده من صديقاتها .



س : - طيب حاجه سودا وفيها خط أحمر وطايره بالسما من الغرب الى الشرق،، وش هي ؟؟



ج : - نفس الذبانه نسيت حاجه في البيت وراحت تجيبها .



س : - نقطة سودا على الجدار وش هي ؟؟



ج : - ذبانه.



س : - أجل نقطتين سودا على الجدار وش هي؟؟



ج : - أكيد فيش.


س : - طيب ثلاث نقاط سودا ، وش هي ؟؟


ج : - ذبانه وفيش .



س : - أجل 54 نقطة سودا ، وش هي ؟؟؟



ج : - أكيد الصبغ متقشر...



س : - حاجه ضعيفه وطووويله ولونها أبيض وش هي ؟؟



ج : - خيط أبيض.



س : - طيب حاجه ضعيفه وطوووويله ولونها أسود وش هي ؟؟



ج : - ظل الخيط الابيض .





س : - طيب ليه القطار يوقف بالمحطة ؟؟



ج : - لأنه ما يعرف يجلس.



س : - طيب ليه يمشي مرررة ثانيه ؟؟



ج : - لأنه زهق من الوقوووف.



س : - طيب بيضه طاحت من الطياره ولا انكسرت ليه ؟؟



ج : - ربك ستر.



س : - طيب كيف نحط غزال في الثلاجه على ثلاث خطوات ؟؟



ج : - افتح الثلاجه ،،، نحط الغزال ،،، نسكر الثلاجه .



س : - طيب كيف نحط الفيل على اربع خطوات؟؟



ج : - نفتح الثلاجه ،،، نطلع الغزال ،،، نحط الفيل ،، نسكر الثلاجه .




س : - نملة تقعد على البحر اذا جت تقرا ،، ليه ؟؟



ج : - عشان تبل ايدها اذا جت تقلب الصفحه.



س : - طيب اذا ركبت السيكل ،، تحط الفيل قدام ليه ؟؟



ج : - عشان لا يلعب بالجرس.



س : - طيب ليه ما يتسبحوون في البحر سوااا ؟؟



ج : - لأن ما عندهم الا مايوووه واحد.



س : - يقووولك الفيل ما يسلم على النمله بإيده ،، ليه ؟؟



ج : - لأن النمله تضفط على ايده وتوجعه.



س : - طيب وليه النمله ما تنام جنب الفيل ؟؟



ج : - لأن الشيطان شاطر.



س : - طيب كيف نصيد الفيل الاحمر؟؟



ج : - نصيده ببندقية الفيل الاحمر .



س : - والفيل الاخضر ،، كيف نصيده ؟؟



ج : - نستناه الى أن ينضج ونصيده ببندقيه الفيل الاحمر .



س : - طيب كيف نصيد الفيل الازرق ؟؟



ج : - نسوي له حركه محرجه ،، واذا صار وجه احمر نصيده ببندقيه الفيل الاحمر .



س : - كيف نقعد 4 فيله في كامري ؟؟



ج : - نركب 2 ورا 2 قدام.



س : - طيب ومين الي يسوووق ؟؟



ج : - الي معاه رخصه.



س : - طيب كيف نركب 8 فيله في سياره شبح ؟؟



ج : - نبيع الشبح ،، ونشتري سيارتين كامري ونركب في كل سياره 2 ورا و 2 قدام.



س : - وش هي الحاجه الي تطفو على سطح الماء وأول حرف منها ق ؟



ج : - قطعة خشبه.



س : - طيب وش هي الحاجه الي تطفو على سطح الماء وأول حرف منها ب ؟



ج : - برضه قطعة خشبه.



س : - طيب وش هي الحاجه الي تطفو على سطح الماء وأول حرف منها ن؟؟



ج : - نفس قطعة الخشب.



س : - أجل وش هي الحاجه الي تطفو على سطح الماء وأول حرف منها هـ ؟



ج : - هي هي نفس قطعة الخشب.



س : - طيب وش هي الحاجه الي تطفو على سطح الماء وأول حرف منها ي ؟



ج : - يا خي انت ما تفهم ، قلت لك قطعة الخشب.