اكلكم متعبتوا من قصة السندريلا القديمة والتعبانة
دهاكم سمعوا سندرلا اخر زمن
كان يا مكان في حديث الزمان
كان اكو بنية محلوة وسودة وسمينة وكصيرة وشعره مكفش وجلده خشن (اذا تلزمه تنجرح عبالك صبيرة) اسمه السندريلا
وكان للسندريلا زوجة اب حلوة وجميلة ولطيفة
وزوجة الاب جان عدهة بنيتين جميلات و رقيقات اسمهم
حمدية و سعدية(عاشت الاسامي)
كان للسندريلا ملابس جديدة وحلوة (ع الموديل)
وجان لزوجة الاب وحمدية وسعدية ملابس تعبانة وقديمة( ملابس زمن العصملي)
فد يوم من الايام وصلت رسالة لبيت السندريلا بان الامير علاوي رح يسوي حفلة يختار تعيسة الحظ اقصد سعيدة الحظ
وبهاي اللحظة كامت تصيح السندريلا على ابوهة تجيبلي ملابس اليوم ترة اكلب الدنيا(العب لو اخرب الملعب)
زوجة الاب و حمدية وسعدية كالوا للسندريلا نريد نروح وياكم
السندريلا طبعا عيطت عليهم وكلتهم ناقص تجي هيجي شكولات لحفلة الامير علاوي
وكلتلهم انتوا روحوا نظفوا واشتغلوا ترة بالدفرات اطلعكم
المهم السندريلا كشخت ولبست قندرتها الماسية (حذاء دبابة)
وراحت لحفلة الامير علاوي
وختية حمدية وسعدية كعدوا بالمطبخ يبجون جان تطلعلهم الجنية كلتلهم ليش تبجون
كالوا نريد نروح لحفلة الامير علاوي بس ماعدنا ملابس ع الموديل
الجنية كالت الهم من طاح حظكم ثولات
بس شنو جان اكو عربة وحصانين كدام المطبخ
الجنية حولت العربة الة بطيخة خايسة
وحولت الحصانين الى جريدية
المهم هسة نرجع على السندريلا بالحفلة الامير علاوي شاف السندريلا وكاموا يركصون ويلغون
الى ان صارت الساعة 12 جان تذكر السندريلا مسلسل (ميرنا وخليل)
و راحت تركض مثل الحصان للبيت
الامير علاوي كام يركض وراها(لان هية الوحيدة الي قبلت تزوجه والي حجت وياة)
الامير علاوي لحك السندريلا ووكف كدامه لاكن السندريلا شمرت عليه حذائها
وصاحت وخر من طريقي الحلقة رح تخلص
ماطوله عليكم ثاني يوم كام الامير واخذ الحذاء ويدور ببيوت العالم منو عندة بنية تلبس حذاء ماسي ابو كعب
والعالم تجاوبة وتكلة حتى لو عدنا منزوجه الك روح دور على وحدة تناسبك
واخيرا بقة بيت السندريلا حمدية وسعدية طلعوا وشافهم الامير بس يمن جرب الحذاء عليهم طلع الحذاء اكس لارج وحمدية وسعدية رجلهم عامل مختزل
ورجع الامير علاوي يصيح سندريلاااا
جانت السندريلا نايمة بالفراش ودشوخر جان تسمع الامير وطلعلتة تركض وتزوج الامير من السندريلا وخلصنا احنا منهم
وتوتة توتة خلصت الحتوتة
ههههههههه
ها عجبتكم
موضوع: قصة سندريلا تحشيش هههههههههههههههههه اتموت من الضحك 
الأحد يوليو 19, 2009 9:52 pm