اسئلة غريبة

اليوم جتي ببالي أسئلة نتعرض إلها بشكل مستمر

يسألونه أهلنة.. أصدقائنا.. جيراننا.. وما ننتبه أنها أسئلة غريبة جداً وغير منطقية جداً.

إليكم بعضاً من هذه الأسئلة، مع أجوبة (تحشيشية) لها

1- إنت نايم على القريولة مالتك، ومطفّي الضوة، ومتغطي بالبطانية، يجي واحد من أهلك ويفتح باب غرفتك

ويگلك: 'ها عبود!! شنو نايم ؟؟'

لا والله دا ارگص .. بس إنت دتتخيل آني نايم





2- معزومين يم جماعة، ووصلتوا.. دگيتوا الباب.. يفتحلكم واحد من أهل البيت

وراسا يگوللكم: 'ها..جيتوا ؟؟'

لا والله بعدنه على الطريق .. فد نص ساعة نوصل تل أعفر .. إشوية إزدحام





3- لابس هدومك الحلوة، ومتعطّر، والجل على شعرك يخبّل، وبيدك ميدالية مال مفاتيح السيارة (إذا عندك سيارة)

تجي أمّك وإتكول: 'ها إبني.. طالع ؟؟'

لا والله يُوم.. دا أطلع للسطح.. وأعدّل الدش مال الستلايت.. بلكي نسحب قناة عرعر.






4- لازم الكتاب لو الملزمة، وگاعد دتقرة لأن باجر عندك إمتحان، وناثر الكتب حواليك والأوراق مطشّرة بكل مكان

يطب أبوك ويگلك: 'ها إبني.. دتقره ؟؟'

لا والله يابة.. دا أبدّل الدهن مال السيارة .






5- توّك لازم السماعة مال التلفون واتريد إتخابر صديقك (لو صديقتك)، وبديت إدّك بالأرقام

تجي أختك وتسألك: ' شنو دتخابر؟؟

لا والله.. دا أسوي زلاطة.. بس السچينة عمية ومدة تنگص الطماطة وياية






6- واحد يأشّر لتكسي.. التكسي يوكفله

يگلّه للسايق: 'فارغ ؟؟'

لا والله عندي أربع خطوط مال مدارس لازم أجيبها، واروح أشتري ركيّة لاهلي، وأدفع قائمة الكهرباء.






7- راكب نفرات .. إطلِّع افلوس وتنطيها للكدامك

الكدامك يسألك: 'واحد عيوني ؟؟'

لا حبيبي .. اربعة وشوف شكد يزودلي







8 - إتريد تنزل من الكيّا .. تگولّه للسايق.. على اليمنة بلية زحمة

السايق يسألك: 'شنو.. إتريد تنزل ؟؟'

لا والله .. دا أجرب حسّي .

ههههههه فعلا حلوة