- توم وجيري :
أنت إنسان مهستر وتعشق المغامرات والمطاردات ولك ماضي رصاصي فاتح مع مدرسينك ايام الدراسه , تحب الحيّل والمقالب ,مزحك ثقيـل تحب تنكتّ وتضحك على روحك ..
2- جورجي وسالي وليدي :
أنت إنسان رقيق المشاعر ودلوع وتتمتع بحس مرهف و أنتي تحبين تحطين غرتك على عيونك وتهفينها كل شوي
3- قريندايزر وما شاكلها :
انت إنسان واثق من نفسك وتحب تشتري العاب جديده وتلعب فيها قدام عيال الحاره وتستعرض وان كنتي برطومه فانتي من النوع اللي تقصين شعرك بوي وتصفقين عيال الحاره وتسرقين علوك منهم (وغالبآ أكثر مايتابع هالنوعيه همالبراطيم)
4- بومبو :
أنت إنسان رومنسي تحب الخيال من النوع اللي ممكن وانت جالس مع اهلك فجأه تجلس تسولف على عمرك وتلعب بأصابعك بحماس ويرتفع صوتك وتنسف العالم وراك تنسف
5- ماروكو :
أنت إنسان مطنّش أبو أمّ الدنيا هذي وعايش بـ جو خاص فيك .. إنسان شقي وقلق شوي تحب تلعب لحالك.. ويحبونك اهلك تلعب لحالك لأنك مسبب لهم قلق ( تعجبني يامطنّش واصل وحنّا ورا)
6- السيدة ملعقة وعقلة الأصبع :
أنت إنسان خيالي .. تحب تفلسف وتطول المشاوير وتسوي نفسك فاهم.. إنتبه لنفسك
لانك ممكن مع الوقت تصير مثقف وتألف كتاب بأسم ( خريف البحر)
7- طمطوم :
أنت شخص طمووح وتبي تسوي عمرك بطل باللي هي به لدرجة ممكن انك تتبرى من اهلك علشان تقول انك ولد الملك ( أهنيك على هالطموح واصل )
8- لولو :
أنت إنسان بسيط وقلبك طيب لدرجة تخولك إنك تتخلى عن 3 ريال الفسحه لتصبح ريال واحد من أجل إدخال البهجه على قلب غيرك ( خل عنك الفزعات وأقضب ارضك لواحتجت انت ماحد داري عنك )
9- عدنان ولينا :
أنت إنسان رومنسي وجايب العيد مع احد من اصدقائك .. تحب التميلح قلبك طيب بس مزاجي يعني ممكن تمسك معك وتصك أخوا خوينك طراق يمشي مليون لسبب تافه ( انتبه لنفسك مش كل مره تسلم الجره .. المره الثانيه يجيك كف يمشي مليونين من نفس خويك هذاك)
10- سوار العسل :
أنتإنسان رقيق المشاعر جديّ شوي ودايمآ تشيل اغصان الشجر والحصى اللي بوسط الشارع وتمسك يدين الشيبان والعجز عشان يقطعون الشارع (يعيرونك المؤدب احيانآ بس لا تهتم واصل ,ـهههههههـ ياحليلك )
11- باباي :
أنت إنسان جريء وقوي لدرجة الوقاحه ودلخ بعض الأحيان , مغرور مع انك غبي أحلى شي فيك أنك تتقبل كل شي وتعتبر كل شي .. شي ..
_________[center]
موضوع: إعرف شخصيتك من افلام الكرتون ( : 
الجمعة يوليو 10, 2009 10:21 pm
